Жаш адамлагъа кючлерине ийнаныргъа эм усталыкъ сайларгъа болуша

Бу кюнледе «Мен профессионалма» деген битеуроссей олимпиаданы X сезонуна Къабарты-Малкъар Республиканы студентлери къатышаллыкъдыла. Ол «Россей – онгланы къыралы» Президент платформаны проектиди. КъМР-ни студентлери бла магистрантларыны юбилей кезиуюне къатышыргъа онглары боллукъду, аны ючюн сайтда заявканы 10 ноябрьге дери берирге керекди.

Он жылны ичинде олимпиада студентлени профессионал кючлерин ёсдюрюрча ючюн эм уллу майданладан бири болгъанды: анга Россейни битеу регионларындан эмда дунияны 147 къыралындан 1,6 миллиондан аслам студент къошулгъанды. Быйыл вузланы саны озгъан жылдан эсе 10-дан 37-ге дери, ызланы саны уа 27-ден 68-ге дери кётюрюлгенди.

Бюгюнлюкде олимпиадагъа экосистемасына 1 100-ден аслам къошулгъан вуз эмда 750-ден аслам иш бериучюле киредиле, ала студентлеге андан ары профессионал онгланы кенгертирге болушадыла.

«Мен профессионалма» олимпиада «Россей – онгланы къыралы» Президент платформаны биринчи проектлеринден бири болгъанды эм анга карьера болушлукъну энчи системасыча болуп киргенди. Онунчу кезиуде олимпиаданы ишлерине тири къатышыу ючюн саугъала берилликдиле эмда проектни HR-экспертлери бла тюбешиширге онгла ачыллыкъдыла. Дагъыда ол КъМР-ден келген жаш адамлагъа урунуу базаргъа чыгъаргъа хазырланыргъа эмда ишни башларгъа мадарды», - дегенди «Россей – онгланы къыралы» Президент платформаны таматасы, «Сенеж» мастерскойну бёлюмню ректору Андрей Бетин.

Къабарты-Малкъар Республиканы вузларыны студентлери олимпиаданы юбилей кезиуюне къошулургъа, билимлерин тинтирге эм 68 бёлюмле жаны бла практика борчларын тамамларгъа боллукъдула. Аны сайлау кезиую 13-29 ноябрьге дери ётерикди, ахыр кезиую уа 2027 жылда февральдан апрельге дери бардырыллыкъды. Онунчу кезиуню эсеплери уа майдан июньнга дери белгили боллукъдула. Озгъан кезиуде Къабарты-Малкъар Республикадан проектге 144 студент къатышханды.

Бу сезонда жангы бёлюмле ачылгъандыла: «Инновация предпринимательство», «Жаш тёлю бла ишни къурауу», «Эл мюлк битимлени селекциясы бла генетикасы»,  дагъыда башха бёлюмлени жоллары да кенгертилгендиле.

«Фахмулу инсанла къыралны хар шахарында, элинде да бардыла, аны бла байламлы олимпиадабыз алагъа кеслерини кючлерине ийнаныргъа эм усталыкъларын табаргъа болушады. Он жылны ичинде бери 1100-ден артыкъ студент къошулгъанды. Быйыл къошулгъанла да кеслерин кёргюзтюп, дагъыда иш жаны бла алагъа жангы амалла ачыллыкъларына ийнанама», - дегенди олимпиаданы башчысы Валерия Касамара.

Олимпиаданы жумушларын вузла индустрия партнёрла бла байламлыкъда жарашдырадыла эм студентлеге керти профессионал борчла бла ишлерге онг бередиле. Бу кезиуге къошулгъанлагъа андан ары профессионал халда ёсерча эм керекли сынам алырча профессионал онгла ачыладыла.

«Мен профессионалма» битеуроссей олимпиада «Жаш тёлю бла сабийле» миллет проектни чеклерине киреди эм РФ-ни Президенти Владимир Путинни буйругъу бла бардырылады. Проект РФ-ни Илму эм бийик билим бериу министерствосуну болушлугъу бла къуралгъанды.