Майдалла къоллу болгъандыла

Росгвардияны КъМР-де Управлениясыны келечилери къол тюйюшден Битеуроссей эришиуледе баш саугъаланы алгъандыла. Сермешле РФ-ни Жигити, Россейни ФСБ-ны энчи арасыны «А» Управлениясыны таматасы генерал-майор Валерий Канакинни хурметине жораланнгандыла.

Ала Кенжеде бусагъатдагъы «Вымпел» спорт комплексни базасында бардырылгъандыла эм битеу къыралдан бек кючлю гёжефлени жыйгъандыла. Татамиге Россейни кюч структуралары бла къоруулау ведомстволарыны келечилери жыйылдыла.

Турнирде Росгвардияны къуллукъчулары 67 килограмм, 73 килограмм, 80 килограмм эмда 87 килограмм ауурлукъ категориялада алтын майдалла къоллу болгъандыла. 80 килограмм ауурлукъ категорияда «кюмюшге» тийишли болгъандыла эмда эришиуню баш саугъасын – Валерий Канакин атлы кубокну алгъандыла.