Нашадан танг кесек консерва чыгъарылгъанды

13 сентября, 2026 - 08:30

Къабарты-Малкъарны Эл мюлк министерствосуну аш-азыкъ эмда жарашдырыучу промышленность жаны бла департаментинден билдиргенлерине кёре, быйыл республиканы консерва заводлары нашадан 41,8 миллион чакълы банка чыгъаргъандыла. Ол былтыр бу заман бла тенглешдиргенде, 10 процентге кёпдю. 
Саулай алып айтханда, бюгюнлюкде нашаны консервагъа жарашдырыу бла тёрт предприятие кюрешедиле. Ала тахта кёгетни асламысын кеслерини бахчаларында ёсдюредиле. 
Аны бла бирге бусагъатда предприятиялада бадыражанны да жарашдырып кюрешедиле.  
Эсге сала айтсакъ, консервала хазырлау жаны бла республика арт жыллада Шимал- Кавказ федерал округда  биринчи жерни алады. Алай бла республика Шимал-Кавказ федерал округда тахта кёгетледен, жемишледен эм наныкъладан консерва продукцияны 90 процентин жарашдырады. Къыралда окъуна консерваланы 14 проценти бизни регионнга жетеди.

  • 11 просмотров
Поделиться: