Экология бла табийгъатны сакълаугъа - аслам эс

Быйыл биринчи сентябрьде экология бла табийгъат байлыкъланы сакълау жаны бла конкурс башланнганды. Анга Миллет паркла, заповедникле коммерциялы болмагъан организацияла экологла, блогерле, алимле эм башхала да кътышыргъа боллукъдула. Аны ючюн айны ахырына дери президентский фондприроды.рф. сайтда аявка берирге жетиширге тийишлиди.

Конкурсха берилген ишле кийк табийгъатны - аз тюбеген  жаныуарланы, битимлени сакълау, тинтиу, аланы айнытырча къаллай мадар этилсе иги боллугъуну эм анга кёре  шартла бла байламлы болургъа керекдиле. Андан сора да, табийгъатны айнытыу жаны бла кюрешген усталыкъаны кёбейтиу, энчи сакъланнган жерледе жандауурлукъ эм волонтёр  ишлени бардырыу, экология бла байламлы жарыкъландырыу проектле да жарайдыла. Дагъыда Арктикада табийгъатны къоруулаугъа да энчи бёлюм бериледи.

Саулай алып айтханда, конкурс эки кесекден къуралады. Биринчи заманда проектлени барына да  эксертле къарап эм къыйматлыланы  айырлыкъдыла. Ызы бла эм иги проектле финалгъа къатышырыкъдыла. 

Конкрсну эсеплери келир жылда февральда белгили боллукъдула. Айырмалы проектле уа мартда окъуна жашауда бардырылыргъа онг тапдырыллыкъды. Алагъа деп бир миллиард сом берилликди.

Эсге сала айтсакъ, Президентни табийгъат бла байламлы фонду былтыр мартда къуралгъанды. Андан бери ол эки уллу конкурс ётдюргенди эм 321 проектге 3,1 миллиард сом  бёлгенди.  Бюгюнлюкде аны хайырындан  къыралны 68 регионунда  учреждениялада, коммерциялы болмагъан организациялада эм энчи экология биригиуле 1,5 минг адам урунады Аны хайыры бла 121 тюрлю  жаныуарны сакъларча мадар этилгенди, аланы кёбюсю неда 69-су  Къызыл китапха жазылыпдыла.