Мектеп жангыртылгъанды

Нальчик шахарны алтынчы номерли школу быйыл жангыртылгъандан сора ачылгъанды. Бу мектепде бир талай предметлени терен окъуйдула, шахарчыла бери сабийлерин сюйюп келтиредиле. Быйыл биринчи сентябрьге школну башын жангыдан жапхандыла, тышын  да жангыртхандыла. Дагъыда инженер ызланы да алышындыргъандыла.

Билимни кюнюню байрамына бери  КъМР - ни Парламентини башчысы Татьяна Егорова, Нальчикни прокурору Аслан Каншаов, Нальчикни администрациясыны башчысыны орунбасары Алексей Храмцев,энчи аскер операцияны  ветеранлары , Нальчикни Билим бериу департаментини келечилери келген эдиле. Жыйылгъанла бек алгъа Россейни гимнине тынгылагъандыла, ызы бла Россейни эм Къабарты-Малкъарны байракълары кётюрюлгендиле.

Школну директору Текуланы Аслан: «Бизде отуз халкъны сабийлери окъуйдула, ала шуёхлукъ жюрютедиле», - дегенди.

Татьяна Егорова шёндюгю дунияда билим магъаналы болгъанын чертгенди эм сабийлени байрам бла алгъышлагъанды.