Алдау жолу жазагъа келтиргенди

КъМР-де МВД-ны «Прохладненский» бёлюмюне талай аптеканы, медицина клиниканы эмда тюкенни ишчилеринден заявленияла келгендиле. Ала бары да айтханларына кёре, бир эркегырыу ахчаны бузгъан сылтау бла аланы барындан да 54 мингден артыкъ сом къымгъанды.

МВД-ны уголовный розыскыны келечилери, Прохладна эмда Терк районладан коллегалары бла бирге, сора СКФО-да Росгвардияны СОБР-ы да болушуп, ишекликге тюшген адамны бир кюнню ичинде тутхандыла. Ол а Краснодар крайдан 48-жыллыкъ эркегырыу болуп чыкъгъанды.

Бу инсаннга КъМР-де МВД-ны «Прохладненский» бёлюмю РФ-ни Уголовный Кодексини 159-чу статьясыны 2-чи кесегине тийишлиликде терслеу иш ачханды. Аны кесин да болжал халлы изоляторгъа ашыргъандыла.

Бу ишни болушун толуракъ ачыкълар хыйсапда оператив-излеу эмда тинтиу ишле андан ары бардырыладыла, деп билдиргендиле КъМР-де МВД-ны пресс-службасындан.