Къабарты-Малкъар Республиканы Башчысы К.В. Коковну Билимни кюню бла АЛГЪЫШЛАУУ

Хурметли школчула бла студентле! Багъалы устазла бла ата-анала! Сизни Билимни кюню бла алгъышлайма!

Бу байрам хар заманда да сабийлеге ариу эмда хычыуун болумду, аны юсюнден жылыулу эсгериулерин ала жашауларыны узунуна эсде тутадыла.

Кёп сабийле бюгюн мектепни босагъасындан биринчи кере атларыкъдыла, бирлеге уа ахыргъы, магъаналы окъуу жыл башланырыкъды.

Биринчи классха келгенчиклени сюйюп окъурукъларына, алагъа школ экинчи юйюр боллугъуна, битеу школчулагъа бла студентлеге уа окъуу кюнле аслам жарыкъ эмда унутулмазлыкъ сезимле келтирликлерине ийнанама.

Бюгюн эм иги, эм огъурлу сёзлени устазларыбызгъа – преподавательлеге бла насийхатчылагъа айтыргъа тийишлиди. Биз сизге къыйматлы ишигиз эмда кесигизни аямай уруннганыгъыз, усталыгъыгъызгъа кертилигигиз эмда сабийлеге жылыуугъузну къызгъанмагъаныгъыз ючюн битеу жюрегибизден ыспас этебиз. 

Жангы окъуу жыл – ол ачыкълауланы, онгланы эмда муратланы заманыды.

Школчулагъа эмда студентлеге битеу жюрегимден илхам бла окъууда бийикликле тежейме. Жетишимлиле эм насыплыла болугъуз! Ахшы жолгъа!