Кёп фатарлы юйле жангыртыладыла

Россейни регионларында кёп фатарлы юйледе тынгылы ремонт ишле бардырыладыла. Быйыл жаланда Шимал-Кавказ федерал округда 259 жашау журтда мадар этилгенди, деп билдиргендиле РФ-ни тийрелени айнытыу Фондундан.

«Быйыл биринчи жети айны ичинде Шимал Кавказда битеу да 34,7 минг адам жашагъан 259 кёп фатарлы юй тынгылы жангыртылгъанды. Алчы - Ставрополь крайды. Анда 128 юйде тийишли ишле тамамланнгандыла. Сора саулай округда 161 эски лифтни орунуна жангылары орнатылгъандыла», - дегенди Фондну башчысы Василий Купызин.

Алчы регионланы санына Чечен Республика (47 юй) эм Къабарты-Малкъар (30) да киргендиле. Бизде 2026-2028 жыллада тийишли ишлеге сегиз миллиарддан аслам сом жиберилликди. Анга программагъа тюшген юйлени башларын алышырыкъдыла неда жамарыкъдыла, жангы лифтле орнатырыкъдыла, жашау журтланы ичинде быргъылагъа эмда ызлагъа ремонт этерикдиле. Ишле Нальчик шахардан башлап, Тырныауузда, Басханда, сора талай районда бардырыллыкъдыла.