Кюн сайын бир жангы затны билиу – ол саулукъду

Бир бирге ушагъанла                                        

Дунияны башында хар адамны да, айланмай кесине бек  ушагъан жети адамы барды. 

Алгъа уа агъач болгъанды                                           

6000 жыл мындан алгъа бюгюннгю Сахараны орунунда тропикалы агъач бар эди.

Бир къауум хансла мыйыны ишлетедиле

Розмаринни ийиси адамны мыйысыны ишлеюн 75 процентге кёп этеди.

Алимле айтадыла

Кече бир кере сегиз сагъат жукълагъандан эсе, сутканы ичинде эки кере тёртюшер сагъат жукълагъан хайырлыды.       

Стакан суу

Кече жатардан алгъа бир стакан суу ичсенг, ол инсультдан, инфарктдан да къутултур онг береди.

Айыу тюйюлдю

Панда айыу тюйюлдю, ол енотду.

Аш ашагъан тёре жокъду

Адамланы отуз проценти эрттенликде ауузланмайдыла.

Ишге бармаз сылтау

Португалияда жауун жауса, адамла ишге бармазча аламат сылтауду.

Кёк тюрсюн

Адам улуну бек сюйген тюрсюню кёкдю.

Ананас - ол

Ананас – ол бир кёгет тюйюлдю, бирге жабышдырылып ёсген бир ненча кёгетди.

Бурунубузгъа эс бурмайбыз

Биз не заманда да бурунубузну кёребиз, алай мыйыбыз аны кёрмегенча этеди.

Жер жюзю, Кюн да

Ватикан Жер жюзю Кюнню тёгерегине бурулгъанына жаланда 1992 жылда женгдиргенди.

Эсде къалмайды

Тюнене сизни бла болгъан къыркъ процент зат экинчи кюн эсде къалмайды.

Азап

17-19 ёмюрледе Къытайда татуировкаланы аманлыкъ ишле этгенлери ючюн азап чекдирген халда салгъандыла.

60 тонна бояу

Эйфель къалагъа хар жети жылдан бир кере 60 тонна бояу жагъадыла.

Бир затдан аурумайдыла

Ыргъайла (акулала) бир заманда да бир ауруудан ауруп къыйналмайдыла.

Ит бла жауун

Жауунну тауушу итлени къулакъларына  заран салады, аны себепли ала жауун кюн эшикге чыгъаргъа сюймейдиле.

12 миллион доллар

Космонавтлагъа деп этилген скафандрны багъасы 12 000 000 доллар турады.

Жангыз президент

Джордж Вашингтон айырыучула аны ючюн бирча 100 процент къол кётюрген жангыз президентди.

Чурукъларына къарап

Адамланы тохсан проценти биринчи тюбеген заманда бек алгъа башханы чурукъларына кёз жетдирип, багъа бередиле.

Бек кёп суралгъан

Отлукъдан сора бек кёп сатылгъан товар дунияда ол кофеди.

Бек бай адам

Дунияны башында Бил Гетсден бай жаланда 18 къырал барды

Жиликден эсе лимон татлыды

Лимонда бал туз, жиликде (клубника) болгъанындан  эсе  иги да  кёпдю.

Ок

«Ок!» деген сёз дунияны башында эм кенг жюрютюлген сёздю.