Ичип руль артына олтургъанлагъа кечгинлик жокъду

Бизни республикада экеуленнге, руль артына  энтта да эсирип олтургъанлары ючюн, уголовный ишле ачылгъандыла, деп билдиргендиле КъМР-де МВД-ны пресс-службасындан.
Биринчи шарт: Зольск районда  «Кавказ» жолну 406-чы километринде МВД-ны  жол-патруль службасыны энчи бёлюмюню инспекторлары «Лада Калина» машинаны тыйгъандыла. Анда уа руль  артында  41-жыллыкъ ол жерли эр киши олтура эди. Ол кеф болуп тургъанын кёрюп, инспекторла аны медицина тинтиуге жибергендиле.  Анда да аны  ичип тургъанын тохташдыргъандыла.
Инспекторла  бу адам ары дери да КоАП-ны 12.8-чи статьясыны 1-чи кесегине кёре административ жууапха тартылгъанын ачыкълагъандыла. Къайтарып бузукълукъ этгени ючюн, анга уголовный иш ачхандыла.
Экинчи водительни уа жол-патруль службаны келечилери  Терк районда «Прохладный-Эльхотово» жолну 38-чи километринде тыйгъандыла: 32-жыллыкъ жаш «Фольксвагенни» къоншу региондан сюрюп келе  эди. Ол медицина тинтиуледен  ётерге унамагъанды. Инспекторла уа ол быйыл мартда кеф болуп руль артына олтургъаны ючюн жууапха тартылгъанын ачыкълагъандыла. Анга да уголовный иш ачылгъанды.
Ала экиси да РФ-ни Уголовный кодексини 264.1-чи статьясыны 1-чи кесегине кёре терсленедиле. Анда уа руль артына къайтып энтта да эсирип олтургъанланы жазагъа тартыуну юсюнден айтылады