Хазырланыу майданланы сайлау башланнганды

2026-2027 окъуу жылгъа Технология жаны бла миллет олимпиадагъа (НТО) хазырланыу майданланы сайлауу башланнганды. Анда КъМР-ни школлары, колледжлери, вузлары эм къошакъ билим берген организациялары энчи майдан статусну алыргъа боллукъдула. НТО «Россей – онгланы къыралы» деген президент платформа бла бирге РФ-ни Илму эм бийик билим бериу министерствосу координациясында эм «Биринчилени атламлары» битеуроссей биригиуню, Стратегия башламчылыкъланы Агентствосуну эм «НТИ Платформа» АНО-ну болушлугъу бла бардырылады. Заявкала 15 сентябрьге дери алынадыла.

НТО-ну экосистемасында хазырлау майданла баш магъанадан бирин тутадыла. Ала окъуучулагъа инженер, тинтиу эм проект билимлени айнытыргъа, олимпиаданы профильлерине къатышыргъа хазырланыргъа эм эришиулени битеу кезиулеринде билеклик этип бирге барыргъа болушадыла. Хазырлау программалагъа НТО-ну дерслери, низам халда бардырылгъан дерсле, профильли курсла, практикумла, хакатонла, къауум эришиуле эмда озгъан жылланы олимпиада борчларын сюзюуле кирирге боллукъдула.

«Къыралны технология ёсюмюне инженер кадрланы хазырлау битеу даражада кючлени бирикдириуню излейди – школ бла къошакъ билим бериуден башлап, университетле бла технология компаниялагъа дери. Бу жаны бла НТО магъаналы синергетика эффектни къурайды: хазырлау майданла окъуучулада керекли билимле бла усталыкъланы къураргъа болушадыла, олимпиада аланы керти инженер борчлагъа хайырландырыргъа мадар береди, вузла бла индустрия бла партнёрлукъ а мындан ары да окъуу эмда профессионал траекторияны къураргъа болушады. Бу системагъа къошулгъанланы барысы да не къадар къысха иш жюрютгенлерине кёре, биз жаш адамлагъа аллай бир кёп мадарла къурайбыз эмда Россейни келлик заманына технология жаны бла кадр фундаментни аллай бир кючлю къурайбыз», – дегенди «Россей – онгланы къыралы» деген президент платформаны маркетинг эм аналитика жаны бла директору Михаил Гусев.

15 сентябрьге дери хазырлау майданны статусун НТИ-ни Кружок къымылдаууну «Талант» деген цифралы платформасында алыргъа боллукъду. Заявкала НТО-ну хазырлагъан неда бир талай профили бла хазырлау программаны ачаргъа план салгъан организацияладан алынадыла. НТО-ну хазырлау майданы окъуу программаны эмда ай сайын дерслени графигин жарашдырады, бегитилген программа бла дерсле бардырады, къошулгъанлагъа хазырланыргъа болумла къурайды.

Сертификатлары болгъан майданла НТО-ну хазырлау майданларыны официал тизмесине киредиле – ол билим берген жамауат бла иш жюрютюуню ёсдюрюуге себеп береди, организацияны танылыуун ёсдюреди эмда окъуучуланы инженер окъуугъа тартыуну мадарларын кенгертеди.

«НТО-ну экосистемасы окъуучугъа технологияла бла шагъырей болургъа эмда акъырын-акъырын къыйын инженер борчланы тамамлаууна кёчерге мадар береди. Былайда хазырланыу майданла энчи магъананы тутадыла: алада кесинги программалада, жалгъан акъылда (ИИ), робототехникада эмда башха технология жоллада сынаргъа, практика сынам алыргъа эмда аны къайсы тюрлюсю керти да сейир болгъанын ангыларгъа боллукъ болум къурайды. Быллай жол окъуучулагъа башланнган даражаларына къарамай ачылгъаны магъаналыды. НТО–ну хазырлау системасына билим бериу организацияла не къадар кёп къошулсала, сабийлени технологиялада биринчи атламла этерге, эмда мындан ары ала бла билим бериу бла профессионал ёсюмню байламлы этерге мадарлары аллай бир кёпдю», - деп ангылатады НТО Миллет тинтиу университетни «Экономиканы бийик школ» арасыны директорну орунбасары Иван Худорожков.

Технология жаны бла миллет олимпиада – 5-11-чи классланы окъуучуларына эмда вузла бла колледжлени студентлерине Россейде биринчи эмда эм уллу къауум команда инженер эришиуледиле. Олимпиада инженер оюмну айнытыугъа, келир заманда технология башчыланы хазырлаугъа эм жаш тёлюню илму бла бийик технологиялы бёлюмлени магъаналы борчларын тамамлаугъа бурулупду. Ары къатышханла къыралны баш технология компаниялары бла университетлери бла бирге къуралгъан керти инженер борчланы тамамлагъан этедиле, бусагъатдагъы технологиялагъа юренедиле эмда команда проект ишни сынамын аладыла. НТО 2015 жылдан бери бардырылады, 11 жылны ичинде эришиуле Россейни битеу регионларындан эмда 77 тыш къыралладан 1,1 миллиондан аслам къошулгъанны бирикдиргендиле. 2025-26 окъуу жылда олимпиадагъа 226 минг окъуучу бла студент къатышхандыла.

НТО «Жаш тёлю бла сабийле» деген миллет проектни чеклеринде бардырылады, олимпиаданы проект офиси Миллет тинтиу университетни «Экономиканы бийик школу» базасында Технологияла жаны бла миллет башламчылыкъны Кружок къымылдаууну методика болушлугъу бла бардырыллыкъды. НТО-ну къурау комитетине РФ-ни Президентини Администрациясыны Башчысыны биринчи орунбасары Сергей Кириенко бла РФ-ни Правительствосуну Председателини орунбасары Дмитрий Чернышенко башчылыкъ этедиле, деп билдиреди «Россей – онгланы къыралы» деген президент платформасы.