Электрокюч комплекс сылтаусуз ишлерча

Быйыл жылны аллындан бери «Россети Северный-Кавказ»-«Каббалкэнерго» биргиуню келечилери 10/0,4 кВ. кюч берген 53 подстанциягъа ремонт этгендиле,  деп билдириледи электрокюч бла жалчытхан биригиуню пресс-службасындан.

Электрокюч комплексни игилендириу жаны бла ишлени кезиуюнде эм биринчи  трансформаторланы болумлары тинтиледи эм  аланы   тап халгъа келтирирча мадар этиледи.  Ол санда  бузулгъан эм болжаллары жетген  аберилерин жангылагъа алышадыла.  Ток бла жалчытхан система тийишли халда борчун толтурурча трансформатор подстанцияланы  уллу  магъаналары барды.    Оборудование  токну узакълагъа  жиберирге болушады эм хар обонент аны  бирча хайырланырча жумушну тамамлайды.

Эсге сала айтсакъ, ишле план бла жайда бла  къыш сууукълада абонентле ток бла сылтаусуз жалчытылынырча бардырыладыла. Быйылны ахырына дери  энергетикле энтта да 93  трансформаторгъа къарарыкъдыла.   Сагъынылгъан жумушланы тамамларгъа «Каббалкэнерго» биригиуге 32 миллион сом чакълы бёлюнюрюкдю.