Наркотикле сатханы ючюн - жазагъа

Наркотикле сатыу бла кюрешген тиширыугъа сюдню оноуу бла 9 жыл берилгенди.

МВД-ны «Нальчик» управлениясыны эмда ФСБ-ны Къабарты-Малкъарда бёлюмюню келечилери бардыргъан оператив-розыск жумушну чеклеринде бу адам 2024 жылда тутулгъан эди. Республиканы ара шахарында ол кечиннген юйню эмда наркотиклени анда-мында букъдургъан жерлени къармагъанда, оперативникле 186 грамм наркотик тапхандыла.

Нальчикни шахар сюдю 33-жыллыкъ тиширыугъа терслеу оноуун этип, РФ-ни Уголовный Кодексини 30-чу статьясыны 3-чю кесегине, 228.1 статьясыны 4-чю кесегини «а» эм «г» пунктларына эмда бу статьяны 5-чи кесегине тийишлиликде жазагъа тартып, битеулю низамлы колониягъа 9 жылгъа ашыргъанды.