Алгъышлау

Къабарты-Малкъар Республиканы Башчысы  К.В. Коковну Россей Федерацияны къырал байрагъыны кюню бла 

А л гъ ы ш л а у у

Багъалы жерлешлерим!
Сизни Россей Федерацияны къырал байрагъыны кюню бла алгъышлайма!
Къыралны байрагъы, аны герби эмда гимни бла бирге Россейни жалынчакъсызлыгъыны бла азатлыгъыны белгисиди. Ол аны деменгилилигин бла бийик даражалылыгъын кёргюзтеди, къыралыбыз, махтаулу ата-бабаларыбызны жигитликлери эмда жигерликлери, бийик жетишимлери ючюн да ёхтемлениу сезимле туудурады, кёп миллетли халкъыбызны бирлигини, аны Ата журтуна кертичилигини, миллет сейирлерин къорууларгъа хазырлыгъыны белгисиди. 
Ата журтну таза жюрекден сюйюу, патриот ниетлилик, инсанлыкъ жууаплылыкъ, тюзлюкге бла кертиликге табыныу, бир бирге билеклик этиу эмда жан аурутуу – ма ол ышанла ёмюрледен бери да халкъыбызны бирикдирип келедиле, анга не тюрлю сынауладан да ётерге эмда хорларгъа болушхандыла.  Къырал байракъ  бюгюнлюкде, жангы къоркъууланы бла тыйгъычланы кезиуюнде, бизни бирлигибизни бютюн кючлю этген, бизге къарыу берген эмда муратларыбызгъа жетерге кёллендирген адет-тёре хазналарыбызгъа кертичиликни белгисиди.  
Россейни  къырал байрагъы инсанларыбызны битеу тёлюлерине да сыйлы белги болгъанлай къаллыгъына, Ата журтубуз бютюн деменгили болур эмда жашнар ючюн аскер эмда урунуу жетишимлеге кёллендиргенлей турлугъуна ишексизме.
Жюрегими теренинден сизге кийик саулукъ, жетишимле, монглукъ тежейме! Бар игиликле да сизни болсунла!