Аскерчиле ант этгендиле

ФСБ-ны Къабарты-Малкъарда Чекчи управлениясында чакъырыу бла къуллукъ этерикле аскер ант бергендиле, деп билдиргендиле ведомствону пресс-службасындан.

Жаз башы чакъырыу ишни чеклеринде ФСБ-ны Къабарты-Малкъарда Чекчи управлениясында къуллукъ этерге къыралны кёп регионундан, ол санда бизни республикадан (2024 жылдан бери биринчи кере) эки жюз чакълы адам келген эди. Аланы барын да саулукъларына, къарыуларына, адамлыкъ эмда иш кёллюлюк ышанларына кёре айыргъандыла.

Июль айны аллындан башлап ала аскерчини иши бла шагъырейленнгендиле, сауутлагъа эмда техникагъа къарагъандыла, энчи усталыкъланы тинтгендиле.

Бу айны онбешинде уа жаш адамла Аскер ант бергендиле. Анга аталгъан къууанчлы жыйылыугъа аланы жууукъ-ахлулары да чакъырылгъан эдиле. 
Аскерчилени ФСБ-ны Къабарты-Малкъарда Чекчи управлениясыны башчысы, Чекчи службаны ветеранлары, чакъырылгъан къонакъла да алгъышлагъандыла. Жыйылыудан сора аскерчиле, къуллукъ этиуден солуу кюн алып, жууукълары бла тюбешгендиле. Ызы бла уа, усталыкъны излемлери бла шагъырейленнгенден сора, ала Шимал Кавказда чекчи бёлюмлеге къуллукъ этерге ашырыллыкъдыла.