Ариу къылыкълы болурча

Кёп болмай   Физкультурникни кюнюне атап  МВД-ны Нальчикде бёлюмюню  транспорт полициясыны келечилери  «КъМР-ни Жаш тёлюсюню  юйю»  ресурс  араны волонтёрларына бла    «Беш тогъай» спорт академияны келечилерине   «Низамлыкъны сакълакълагъанла бла зарядка эт»  деген акцияны бардыргъандыла. Анга   транспорт полицияны  жамауат советини председатели  Владимир Елеев эм республиканы белгили спортчусу Астемир Тлиашинов да къатышхандыла. 

Ол кюн жыйылгъанлагъа разминканы Астемир Тлиашинов ётдюргенди.  Аны башчылыгъы бла санланы  эм саулай организмни кючлерча   упражненияланы этерге юйреннгендиле. Солугъан кезиулеринде уа, спортчу  жаш жашау жолуну, спортда жетишимлерини юсюнден да хапарлагъанды. Ол санда даражалы бийиклеге жетерча   арымай-талмай  кюреширге кереклисин  билдиргенди.

Владимир Елеев да акциягъа къатышханла бла ачыкъ ушакъ бардыргъанды. Ол адам  кючлю санлы, тюз ниетли болургъа итинирге кереклисин да энчи белгилегенди.  

Акцияны кезиуюнде  транспорт полицияны келечилери жаш адамланы жарсытхан соруулагъа да жууапла бергендиле.  Аны кезиуюнде темир жол бла байламлы объектледе  къоркъуусузлукъну унутмазларын эм аманлыкълары ючюн закон бла жууапха тартыллыкъларын  да эслерине салгъандыла.

Саулай аып айтханда, акция шуёхлукъ эмда ачыкъ халда ётгенди. Быллай акцияны магъанасы жаш адамла саулукълу жашаугъа  эс бурурча,  ич ишлени келечилерине  ышаныулукълары ёсерча этергеди.