Ушакъны ёзеги – инфраструктураны айнытыу соруула

Инфраструктураны айнытыу – экономика ёсюуню бла халкъны жашауун игилендириуню баш магъаналы шартларындан бириди. Ол темагъа жораланнганды Къабарты-Малкъарны Башчысы Казбек Коков бла ыйыкъ сайын бардырылыучу интервью. Ушакъ майдан бу жол Нальчик халкъла аралы аэропорт болгъанды. Казбек Коков Регионнга оноу этген араны таматасы Мадина Кадыкоева бла ушакъда жол ызланы тапландырыуну, транспорт бла жетишдирилиуню эмда жамауат улоуланы жангыртыуну юсюнден хапарлагъанды. Аны юсюнден республиканы таматасыны МАХ-да каналында айтылынады.

Регионну оноучусу белгилегенича, инфраструктураны айнытыу ол эм биринчиден адамланы жашауларына къайгъырыуду. Шёндюгюлю жолла эмда хар кимге да жетишген жамауат транспорт республикалада жашагъанланы харкюнлюк жашауларын ырахатлы этедиле, дагъыда жангы проектлерин айнытыргъа болумла къурайдыла.

Энчи эс эл эмда узакъда орналгъан тийрелеге бёлюннгенди. Аны бла бирге инфраструктура объектлеге къарап, къыйматлы оноу этиуге, аланы качестволарына эмда инсанланы ала бла хайырланыуларына къарап турурча шёндюгюлю технологияланы сингдириу да энчи магъананы тутадыла.