УФСБ: Байыкъланырны орунуна – жаза

Аманлыкъчылыкълагъа къажау излеу-тинтиу жумушла бардыргъан кезиуде Россейни Къоркъуусузлукъну федерал службасыны КъМР-де Управлениясыны къуллукъчулары республиканы полициячылары бла бирге Черек районну инсаныны бузукъчу ишин тыйгъандыла. 

УФСБ-ны пресс-службасындан бизге билдиргенлерича, ол законлагъа бузукълукъла этип, криптовалюта ишлер мурат бла электрогенераторланы инженер ызлагъа къошханды. Алай бла 3 миллион сом къоранч этилгенди. 

Черекчиге РФ-ни УК-сыны 158-чи статьясыны 4-чю кесегине бузукълукъ этилгени бла байламлы уголовный иш ачылгъанды. Законлада жазылгъаныча, быллай аманлыкъ этгенни эркинлиги он жылгъа дери сыйырылыргъа боллукъду.