Цифралы амалла бютюн къыйматлыдыла

Къабарты-Малкъарда туристлеге тап болурча къонакъ юйледе «Макс» мессенджерни хайырланырыкъдыла. Алай бла жангы цифралы амал быйыл сентябрьде онбир къонакъ юйде ишлерикди.  Бюгюнлюкде анга биринчиледен болуп  Azimut къонакъ юй  къошулгъанды.   

Жангы «Цифралы ID» сервис регистрацияны  электрон амал бла ётюп  къонакъ юйде  отоу къоллу болургъа болушады. Аллай амал аз  заман къоратыргъа эм качествону да игилендирирге ахшы себепликди. 

  Белгилисича, Къабарты-Малкъарда жыл сайын туристлени санына танг къошула барады. Ол себепден жангы цифралы амалланы хайырланыу бизни республикагъа бютюн къыйматлыды. Ол туризм бёлюм бла байламлы инфраструктураны игилендирирге, сервисни ёсдюрюрге эм къонакъланы да болумларын игилендирирге болушады.

Эсге сала айтсакъ, быйыл биринчи сентябрьден башлап жангы излемлеге тийишлиликде  эллиден артыкъ  отоулары болгъан къонакъ юйле,  санаторияла, солу базала эм  кемпингле сагъынылгъан цифралы амалны хайырланыргъа керек боллукъдула.