Ичги затла, наркотикле бауурну ишине эм уллу заран саладыла

Бауурну аурууларына къажаулукъну ыйыгъыны чеклеринде адамны бу артыкъ уллу болмагъан саны кюн сайын жашаугъа, саулукъгъа артыкъда магъаналы жумушла толтургъанын, бизни ууланыудан сакълагъанын эсгертирге сюебиз.

Алай ичги затла, наркотикле бауурну ишине эм уллу заран саладыла. «В эм С гепатит бла асламында наркотикни укол этип салгъанда жугъадыла. Ауруу къан бла ётеди: шприцни, ийнени, ол угъай, наркотик хазырланнган сауутну бир ненча адам бирге хайырлансала, ала жугъарыкъларына къоркъуу уллуду»,-деп ангылатадыла бизге КъМР-ни Саулукъ сакълау министерствосуну Психиатрияны бла наркологияны клиника арасындан. 

- Жукъгъан гепатитге энтта аракъы да къошулса, ауруу бютюнда терк жайылады. С гепатит бла ауругъан адам не аз ичсе да, баууру терк бузулады, аны ахыры уа жарсыулуду,-дегендиле бизге клиникадан.

Саулукъну сакълауну жорукълары уа къыйын тюйюлдюле. Биринчиден, ичгини, наркотиклени къояргъа керекди. Дагъыда гепатитден дарман салдыргъан хайырлыды. Тери бла байламны жумушланы кезиуюнде (укол этгенде, къулакъны тешдиргенде, алача башха),  инструментлени тазалау артыкъда магъаналыды.  

- Уллу кёллю болмай, саулугъугъузну дайым да тинтигиз. Ишекли болсагъыз, арт болжалгъа салмай, врачха барыгъаз. Сиз, неда жууукъ адамыгъыз ичгини, наркотиклени къоялмай эсе уа, бизни  клиникада болушургъа битеу онгла бардыла,-дегендиле бизге араны келечилери.