Туристлени санына къошула барады

Арт жыллада Шимал Кавказда, ол санда Къабарты-Малкъарда солургъа сюйгенлени санына танг къошула барады. Сёз ючюн,  быйыл алты айны ичинде 2,4 процентге кёп адам келгенди.   Тюзюн айтханда, регионну 934 минг турист жокълагъанды.

Сагъынылгъан кезиуде Нальчикде 95 минг адам солугъанды, бирси заманла бла тенлешдиргенде,  66 процент ёсюм эсленеди. Саулай алып айтханда, шахарны санатор-курорт организацияларында  27 минг чакълы адам саулукъларын кючлегендиле. Ол да былтыр бу замандан 22,7 процентге мажалды.

Быйыл туристле къыралны эллиден аслам  регионундан келедиле,  тыш къыралланы келечилери да барды.  Ол  шарт курортну кенг  белгилилигин эм  жылны узуну уллу сурам сакъланнганын да ачыкълайды.