Къумалы атланы эришдирликдиле

Шабат кюн Нальчикде чаришни сюйгенлеге аламат спорт байрам ётерикди. Ипподромда 3 кюнню ичинде республиканы айтхылыкъ атчы къауумлары кеси араларында 13 саугъа ючюн эриширикдиле. Саугъа фонд а 2,5 миллион сомдан артыкъды. 
Бу эришиуледе бек сыйлылагъа Къабарты-Малкъарны саугъасы бла белгили жокей Николай Насибовну кубогу саналадыла. Чаришлеге уа жаланда таза ингилиз къумалы атла къатышырыкъдыла.
Келген къонакъланы кеслерини жырлары бла республикалы артистлерибиз къууандырлыкъдыла. Сабийлеге деб а тюрлю-тюрлю мастер-классла бардырыллыкъдыла. 
Чаришле 18 июльда 11 сагъатда башланырыкъдыла. Хош келигиз!