УФСБ: Ахчаны белгиленмеген жумушлагъа жойгъанды

Россейни Къоркъуусузлукъну федерал службасыны КъМР-де Управлениясыны къуллукъчулары экономикада бузукълукълагъа къажау излеу-тинтиу жумушла бардыргъан кезиуде медицина махкемеледен бирини башчысыны аманлыкъчы ишин тыйгъандыла.
УФСБ-ны пресс-службасындан бизге билдиргенлерича, ол бюджетден тышында къырал фондланы ахчасын белгиленмеген жумушлагъа къоратханды. Ал тергеулеге кёре, къоранчны ёлчеми 31 миллион сомгъа жетгенди. 
РФ-ни СК-сыны  КъМР-де следствие управлениясыны къуллукъчулары РФ-ни УК-сыны 285.2-чи статьясыны 2-чи кесегине бузукълукъ этилгени бла байламлы терслеу иш ачхандыла. Законлада белгиленнгенича, быллай аманлыкъ этгенни эркинлиги беш жылгъа дери сыйырылыргъа боллукъду.