Коммунал жумушла ючюн тёлегенде субсидияланы юсюнден

Аланы багъасын тёлеуде льготаладан сора субсидияла да болуучудула. Ала экиси да бир магъананы тутмайдыла – ол эсигизде болсун. Биринчиси багъаны тюшюрюуню юсюнденди, экинчисинде уа этилген къоранчланы ызына къайтарыуну юсюнден айтылады, дегендиле КъМР-де МФЦ-да.

Льготаланы тюрлюлери:
* Кёп сабийли эмда къолайлыкълары осалыракъ болгъан юйюрлеге суу, электрокюч эмда газ ючюн тёлеуню азайтыу;
* Аскерчилеге эмда аланы юйюрлерине тёлеуню эки кереге азайтыу.
* Жыл санлары 70-79 болгъан адамла кёп фатарлы юйлеге тынгылы ремонтха тёлеуню жарымын берип къутулургъа боллукъдула, алагъа 80 жыл толгъандан сора уа,  андан толусунлай эркин этиледиле.

Субсидиягъа кимни эркинлиги барды:
Аны кеси жашагъан инсан неда юйюр алыргъа боллукъдула. Баш излемле быладыла:
- РФ-ни инсанлыгъы;
- Жашагъан жерине кёре регистрациясы болуру;
- Коммунал жумушла ючюн борчларыны болмауу;
- Къолайлыгъы белгиленнген нормативлеге келишиую.

Заявленияны МФЦ-ны  бёлюмлеринде жазаргъа боллукъду.