Жашларыбыз ёрлеген тау тёппеле

Россейни МЧС-ни «Эльбрус» излеу-къутхарыу отрядында ишлеген жашла кюн сайын палахха тюшгенлени къутхарыу ишни да тамамлай, бийик къарлы таулагъа чыгъадыла, бузлу, къутуруп баргъан тау череклеге киредиле. Ала къоркъуусуздула, жигитдиле, боюнларына алгъан борчну жетишимли тамамлайдыла.

Озгъан шабат кюн а «Эльбрус» бийик тау излеу-къутхарыу отрядда къуллукъ этген Газаланы Алибек бла Жеттеланы Исмайыл Орта Азияда Къыргъызстанны Ош областыны бла Таджикистанны Мургаб районуну чеклеринде орналгъан Памирни бек бийик тауу Заалийский тёппени Ленин атлы таууна – 7134 метр бийикликге – чыкъгъандыла. Ала ары малкъар халкъны байрагъын да элтип жайгъандыла.

Жашланы бу ёрлеулери биринчи тюйюлдю. Газаланы Алибек мындан алда Эверестге да чыкъгъанды. Минги таугъа уа ненча кере ёрлегенлерини саны да жокъду.

Суратда: Къутхарыучула Газаланы Алибек бла Жеттеланы Исмайыл.