УФСБ: Тютюнню жашырын ташыгъанды

10 июля, 2026 - 14:52

Россейге тышындан жашырын келтирилген продукциягъа къажау излеу-тинтиу жумушла бардыргъан кезиуде РФ-ни Къоркъуусузлукъну федерал службасыны КъМР-де Управлениясыны къуллукъчулары 44-жыллыкъ нальчикчини аманлыкъчы ишин тыйгъандыла. 
Законсуз сатыу-алыудан 15,5 минг пачка тютюн сыйырылгъанды, аланы къырал маркалары болмагъанды.   
УФСБ-ны пресс-службасындан билдиргенлерича, Россейни УК-сыны 171.1-чи статьясыны 6-чы кесегини «б» пунктуна бузукълукъ этилгени бла байламлы терслеу материалла ачылгъандыла. «Законлада белгиленнгенича, быллай аманлыкъ этгенни эркинлиги алты жылгъа дери сыйырылыргъа боллукъду», – деп билдиргендиле бизге УФСБ-ны пресс-службасындан.

  • 14 просмотров
Поделиться: