Сабийледе эл мюлкге сейирлерин къозгъарча

Къабарты-Малкъарда келир сентябрьде он мектепде ачыллыкъ агроклассланы шёндю оборудование бла жалчыта турадыла. Регионну Эл мюлк министерствосунда айтханларына кёре, ары инженер системаланы эмда квадрокоптерни конструкторлары, «Комбайн» эм «Трактор» юйретиу тренажёрла, битимлени тинтген лаборатория, «Биологну лабораториясы» деген ферма эм кёп башха зат киреди. Школчула уа,  аланы хайырланып, тюрлю-тюрлю тинтиуле бардыраллыкъдыла, билимлерин да кючлендирликдиле. Ол бары да алада эл мюлкге сейирлерин къозгъар, тийишли усталыкъ сайларгъа болушур деп ышаныу барды.

«АПК-да кадрла» регион проектни чеклеринде быйыл быллай классла Чегем бла Басхан шахарда, сора Баксанёнок, Псыхурей, Аргудан, Нарткъала, Псынадаха эм Аушигер элледе школлада ишлеп башларыкъдыла.