Къонакъ юйле бийик излемлеге келиширча

 Къабарты-Малкъарны Курортла эм туризм министерствосу адамланы солууларын къурау жаны бла онгланы эсепде тутуу бла байламлы ишини чегинде тинтиулени жангыдан бардырып тебирегенди.

Ведомствону келечилери, къонакъ юйлеге барып, ала алгъан «жулдузларына» тийишли болгъанларын бла къалгъанларын тохташдырадыла, солугъанланы жумушларын тийишлисича тамамларча онгла къуралгъанларына къарайдыла. Тинтиулени баш борчу-солугъан адамла ыразы болурча эм аланы къоркъуусузлукълары жалчытылынырча этиудю.

Министерствода чертгенлерича, быллай тинтиуле профилактика халда бардырыладыла, къонакъ юйлеге бла бизнесге керексиз ауурлукъ бермейдиле. Бюгюнлюкде 40 солуу мекямгъа къаралгъанды, 10 бузукълукъ табылып, аланы тюзетирча эсгертиуле этилгендиле. Бузукълукъла заманында, бир-бирледе уа болжалдан алгъа окъуна кетерилгенлерин да белгилерге керекди.