УФСБ: Тереклени кесгени ючюн терсленеди

Россейни Къоркъуусузлукъну федерал службасыны КъМР-де Управлениясыны къуллукъчулары излеу-тинтиу жумушла бардыргъан кезиуде «КъМР-ни агъач мюлкю эм агъачланы сакълау» къырал учрежденияны къуллукъчусуну аманлыкъчы ишин тохтатхандыла. 

УФСБ-ны пресс-службасындан бизге билдиргенлерича,  ол законсуз кесилген тереклени сатаргъа жалгъан документлени хазырлаугъа къатышханына ишеклик барды. Ал тергеулеге кёре къоранчны ёлчеми 1,6 миллион сомдан асламды. 

Россейни Следствие комитетини КъМР-де следствие управлениясыны келечилери РФ-ни УК-сыны 30-чу статьясыны 3-чю кесегине, 159-чу статьясыны 4-чю кесегине бузукълукъла этилгенлери бла байламлы терслеу материалла ачхандыла. Законлада жазылгъанча, быллай аманлыкъ этгенни эркинлиги он жылгъа дери сыйырылыргъа боллукъду.