Къысха чамла

Кёп къырал саугьаны лауреаты, аламат фатары, машинасы, дачасы да бол-гъан белгили жазыучу чабакъчыкьны тутуп къойгъанды.

— Мени ийсенг, не тилегинги да толтурурма, — деп тилегенди чабакьчыкъ.

— Жазыучу Солженицынни бу къыралдан къыстарча эт, - дегенди. Сора келип ишни болушун къатынына айтханды.

-Телисе сен, акъылсыз, башсыз, - деп урушханды къатыны, - андан эсе кесинге фахму тилесенг эди уа.

* * *

Эрттенликде эки кьоншу да тюбейдиле.

—  Тюнене ингирде къатынынг бир бек ачыуланып эди... Не болгъанды? —деп сорады бири экинчисине.

—  Бош алай, итибизге къычыра эди.

— Харип ит. Сени къатынынг андан юйюгюзню ачхычын да сыйырлыкъма деп къоркъута эди...

* * *

—  Мен не этейим, айтчы?

Анам бир къызны да жаратмайды, мен а кимни келтирирге билмейме, — деп тарыгъады жаш нёгерине.

—  Сен а аллайны тап — тюз да ананга ушагъан.

—  Тапханма аллайны да, алай атам а аллай уллу дауур башлагъанды...

* * *

Брежнев Маргарет Тэтчерге тюбейди. Къагъытчыкьны чыгъарып окъуйду:

— Хурметли Индира Ганди...

Тегерегиндегиле халек уяладыла, Брежнев кеси уа, тили да иги айланмай, дагъыда айтханыча къайтарады.

— Леонид Ильич, ол Маргарет Тэтчерди, — дейдиле анга ахырында.

— Кесим да кёреме ким болгъанын, алай къагъытда Ганди деп жазгъандыла соpa ya!

* * *

Америкалы бизни къыралда уллу очередьни кёрюп:

—  Нек сюелесиз? – деп сорады.

—  Жау бередиле.

— Беремидиле?! Бизде уа жауну сатхан этедиле. Алайда уа очередь негеди?

— Узун башлы чурукъла сатхандыла. Ма быллайланы – деп,  адамладан бири сатып алгъан чурукъларын кёргюзтеди.

— О-о, бизде уа быллайланы атып къоядыла.

* * *

— Гарри быллай бир кеч юйдегили нек болгъанды?

— Аллай уллу ишни этерден алгъа кёбюрек ахчасы болур кюнню сакълай 

эди.

— Энди бармыды да аллай ахчасы?

— Хау, энди къартлыгъы ючюн пенсия алады.

* * *

Къатыны эрине айтады:

— Мен башха эр кишиге кетсем, анга жанынг аурурукъмуду?

— Кеси сени сюйюп аллыкъ эсе, аллай эр кишиге мени жаным нек аурургъа керекди?

* * *

Одессачы, вагонда бир жолоучу нёгери бла бирге бара болгъанды. Поезд тохтагъан жерде ала эки къууурулгъан чабакъ сатып алгъандыла да, ауузланып башлагъанлай, одессачы, чабакъладан уллусун алып, ашап тебирегенди.

— Тап этмедигиз. Алгъа узалсам, мен а гитчесин алыр эдим...

— Алай этеригизни билип, сизге гитчесин къойгъанма, — дегенди одессачы.

* * *

Тонаучу адам коммерция банкга чабып киреди да, анда ишлегенлеге:

— Жеригизден тепмегиз! Къолларыгъызны ёрге кётюрюгюз! Битеу болгъан ахчагъызны столгъа салыгъыз! — дейди.

Ахчаны да жыйып, тонаучу кетеди.

Тамата кассир, къууаннган халда, къол аязларын бирге ышыйды.

— Бизни тонагъан этгендиле, сен а нек эсе да къууаннган этесе, — дейди аны нёгери.

— Аламат тап кезиуде тонагъанды, жаным, бек тап кезиуде! Бизге ревизор келликди, — дегенди тамата кассир.

* * *

Эки тенг сёлешедиле.

— Бош затла деп неге айтадыла?

— Бу затланы кёзюнге кёргюзтчю: ариу тийген жайгъы кюн, тенгизни жагъасы, пальма терекле, татыулу ашла, жукъа кийиннген къызла. Кёзюнге ол затланы кёргюзтдюнгмю? 

— Xay.

— Да ма, жашауда аладан башха затла бош затладыла.

* * *

Эки тенг тюбешедиле.

— Борис Самойлович энди къайда жашай болур, билмеймисе?

— Къалай билмейме, ол эрттеден бери да Парижге кёчюп,  анда жашайды.

— Къайдады ол дегенинг, Вапрянка элден узакъдамыды?

— Беш минг километрден аз болмаз.

— У-у-у, аллай акъыллы одессачы аллай бир терен жерге нек кетгенди?

* * *

Саусузладан бири, врачны кабинетине бек ачыуланып киреди да:

— Мен сёзюмю башлагъанлай, асыры кеп ичиуюнгю къой деме манга! — деп къычырды.

— Хо бирда, ичгенингден сора да, бек аз ашайса, ансы кёп ичмейсе, — деп сабыр жууаплайды врач.