Къабарты-Малкъар Республиканы Башчысы К.В. Коковну Жаш тёлюню кюню бла алгъышлауу

Хурметли шуёхла! Битеу жюрегимден сизни Жаш тёлюню кюню бла алгъышлайма!
Сизни тирилигигизге, башламчылыкъла хунеригизге бла жууаплыгъыгъызгъа, Ата журтха хайыр келтирирге итиниуюгюзге кёре болады кёбюсюнде регионубузну эмда къыралыбызны келлик заманы. Бюгюнлюкде Къабарты-Малкъарны жаш тёлюсю тири, фахмулу эмда ишден къачмагъан адамладыла. Биз жаш специалистлерибиз эмда алимлерибиз, ишчи эмда чыгъармачылыкъ усталыкъланы келечилери, предпринимательлерибиз, врачларыбыз эмда устазларыбыз, спортчуларыбыз эмда волонтёрларыбыз бла ёхтемленебиз. Эм, сёзсюз, энчи аскер операциягъа къатышып Россейни жалынчакъсызлыгъын бла миллет сейирлерин къоруулагъан жаш аскерчилерибиз бла да чексиз ёхтемленнгенлей турабыз.

Жаш тёлю политика бек магъаналы бёлюмледен бириди. Биз республикада ёсюуге бла ишлерге онгланы къурайбыз. Билим бериу инфраструктураны айнытабыз, жаш тёлю арала ачабыз, жангычы кенгликле къурайбыз, жаш адамлагъа къолайлыкъларын ачыкъларгъа, урунууда, илмуда, маданиятда бла жамауат ишде кеслерин кёргюзтюрге болушабыз. Ол онгланы тири хайырланнганыгъызгъа, сизни билимигиз, башламчылыкъла хунеригиз бла муратыгъызгъа жетерге итиниуюгюз ёз Къабарты-Малкъарны бла деменгили Россейни айныуларына себеплик этериклерине толу ийнанама.

Битеу жюрегимден сизге салгъан борчларыгъызны, проектлеригизни, оюмларыгъызны жашаугъа кийириуню эмда саулукъ-эсенлик да тежейме