Хар келген сорууларына жууапла табаллыкъды

26 июнь – Праволу болушлукъну кюню

26 июньда  10:00 сагъатдан башлап 12:00 сагъатха дери Праволу болушлукъну кюню бардырыллыкъды. Хакъсыз юридический болушлукъ бериуню пунктлары Къабарты-Малкъар Республиканы Т.К.Мальбахов атлы къырал миллет китапханада, «Ата журтну къоруулаучулары» Къырал фондну Къабарты-Малкъар Республикада бёлюмюнде, «Къабарты-Малкъар Республикада къырал эмда муниципал жумушланы кёп тюрлюлерин толтургъан ара» къырал бюджет махкемеде бла аны КъМР-де бёлюмлеринде, ЗАГС-ны республиканы битеу районларында бёлюмлеринде да къуралгъандыла.

Хакъсыз праволу болушлукъ аны излеген инсанланы барысына да тапдырыллыкъды, ол санда «Россей Федерацияда хакъсыз юридический болушлукъ бериуню юсюнден» 2011 жылны 21 ноябринде чыгъарылгъан 324-ФЗ номерли Федерал законнга, «Къабарты-Малкъар Республикада хакъсыз юридический болушлукъ бериуню юсюнден» Къабарты-Малкъар Республиканы 2014 жылны 31 декабринде чыгъарылгъан 76-РЗ номерли законуна тийишлиликде аллай болушлукъну алыргъа эркинликлери болгъанланы къауумуна кирмеген инсанлагъа да.

Хакъсыз юридической болушлукъ бериуге Россей Федерацияны Юстиция министерствосуну Къабарты-Малкъар Республикада Управлениясыны, Сюд приставланы федерал службасыны Къабарты-Малкъар Республикада Управлениясыны, Къабарты-Малкъар Республиканы прокуратурасыны, Россей Федерацияны Пенсия эмда социал страхование фондуну Къабарты-Малкъар Республикада бёлюмюню, Къабарты-Малкъар Республиканы Урунуу эмда социал къоруулау министерствосуну «Къырал юридический бюросу»  къырал казна учреждениясыны, Къабарты-Малкъар Республиканы Ёкюлле палатасыны, Къабарты-Малкъар Республиканы Нотариал палатасыны, «Россейни юристлерини ассоциациясы» битеуроссей жамауат биригиуню Къабарты-Малкъар регион бёлюмюню келечилери къатышырыкъдыла.

Право бла байламлы ишни  барыу халына Россей Федерацияны Юстиция министерствосуну Къабарты-Малкъар Республикада Управлениясы.

Хакъсыз юридический болушлукъ къалайлада бериллигини, аны тапдырлыкъ организацияланы келечилерини юслеринден да  Управленияны энчи сайтыны «Жангылыкъла» бёлюмюню бу ссылкасын ачып билирге боллукъду: https://to07.minjust.gov.ru/ru/.