Къаты кюрешде хорламны ычхындырмай

Ыйыкъны ичинде республиканы бийик дивизионуну оюнларыны 9-чу эм 10-чу кезиулери ётгендиле.

Алай бла малкъар элледен «Логоваз» бла «Яникой-1961» 9-чу турда Къашхатауну топ майданында тюбешген эдиле. Жаууннга да къарамай, оюн кючлю халда ётгенди. Бабугентчилени кеси жерлеринде хорлатыргъа сюймегенлери кёрюнюп тура эди. «Логоваз», къонакълагъа ал бермезге итинип, бу тюбешиуден 3 очко алыр муратлы болады. Яникойчуладан сынамы уллу болгъан къауум, не да этип, хорламны ычхындырмайды. Бу жол «Яникой-1961» кеси къабакъларына 3 топну жибереди.

14 июньда уа яникойчула «Марвил-Псыкод» команда бла 10-чу турда Кенже элдеги стадионда тюбешгендиле. Бу оюнда командала ахырына дери  3:3 эсеп бла жете келгендиле. Яникойчулагъа быллай эсеп къалыргъа аз да жарамай эди. Нек дегенде арт оюнлада ала очкосуз къалып тургъандыла. Алай бла жашла, битеу кючлерин жыйып, эсепни 4:3 этип, турнир таблицада 13 очко бла 7 тизмеге тюшгендиле. 

«Логоваз» а 24 очко бла 2-чи  жердеди. 10-чу турда ала «Искра-Алтуд» команданы 3:1 эсеп бла хорлагъандыла. 
Чабыууллукъда ойнап, аслам гол ургъанланы араларында 4-чю тизгинде Сарбашланы Руслан орналады. Чегемли жаш 10-чу турда 8 топну ойнагъан командаларыны къабакъ эшиклерине кийиргенди. Ахыр ючюсюн –  «Марвил-Псыкод» бла оюнда