Эм ахшы спорт юйюр сайланырыкъды

Республикабызны Спорт министерствосуну МАХ-да каналында билдириуге кёре, 7 июльгъа дери «Россейни кючю» деген марафонну чегинде «Россейни эм иги спорт юйюрю» эришиу къуралады, аны мураты башха-башха жыл санда адамланы саулукълу жашау бардырыргъа кёллендириудю.

Эришиуге 7 жыллары толмагъан сабийлери болгъан юйюрле чакъырыладыла, б къауумгъа жангызда бир юйюрню келечилери кирирге эркиндиле. Марафоннга къатышыр ючюн, «Мой фитнес» деген мобильный приложенияда заявканы толтурургъа керекди, эришиуге барыр ючюн хакъ тёленмейди.

 Хорлагъан юйюр кесини регионуна «Россейни кючю» марафонну къурау комитетини келечисин жарау этдирирге чакъырыргъа боллукъду.