Ахшы хорламла

Республиканы Спорт министерствосу билдиргеннге кёре, бу кюнледе Ереванда грэпплингден Европаны чемпионаты бла биринчилиги ётгенди. Анда Къабарты-Малкъардан тогъуз грэпплер кеслерин сынагъандыла.

Эсеплеге кёре,  Европаны  чемпионуна Мухамед Урусов саналгъанды.

Европаны биринчилигинде «Алтыннга» Ибрагим Кумышев тийишли болгъанды. Экинчи жерни Ахмат Макоев алгъанды. Ючюнчюлени санына уа Рамазан Эседов бла Тамерлан Гергов киргендиле.

Абаданланы санында «Кюмюшню» Тахир Гергов алгъанды. Бёзюланы Ислам, Мурат Хамгоков бла Сотталаны Ахия уа «Доммакъгъа» тийишли болгъандыла.

Спортчула Дадуланы Рамазанда, Мурат Маржоховда, Мурадин Тхакаховда, Руслан Шухостановда, Алим Мешевда эм Рашид Бадраковда жарау этедиле.