Къысха чамла

Кемени капитанына бир турист тиширыу барады да:

— Былайда тенгизни теренглиги юч километр болур деп тюзмю айтадыла? – дегенди.

— Алай къалай айтасыз? Бек кёп эсе,  бир километрди.

— Алай эсе, Аллахха шукур, тынчайтдыгъыз! Мен а бек къоркъгъан эдим, — дейди тиширыу (кеме суугъа батхан иш этсе деген магъанада).

* * *

Юч тенг жаш, поездни келирин сакълай, вокзалдагъы ресторанда ичги ичедиле. Поезд келген да этип, кетип башлагъанын кёргенлей, ала жерлеринден туруп чабадыла. Экиси къалай да этип, поездге миннгендиле, ючюнчю уа шпалагъа жыгъылып, бек къаты кюлюп башлагъанды. Милиционер келип, анга неге кюлесе деп сорады.

Ол а: «Поезд бла курортха атланырыкъ мен эдим, ала уа мени ашырыргъа келген эдиле», -дейди жаш асыры кюлгенден чачыкъгъан иш да эте.

* * *

Инспектор: «Ангылатчы, машинанг бла ол адамны нек ургъан эдинг?»

Шофёр: «Мен аны урмагъанма! Жолдан сакъ ётсюн деп машинаны тохтатхан эдим да, ол а алай этгениме асыры сейирсиннгенден,  эси аууп кеси жыгъылгъан эди!»

* * *

Туристлени къауумуна бир экскурсовод Къырымны бек ариу жерлерин кёргюзте айланады.

—Бусагъатда биз бек белгили «Массандра» деген чагъыр заводну аллы бла ётерикбиз, —дейди ол.

Туристле уа бир аууздан: «Ётюп нек кетебиз да!» — деп къычырадыла.

* * *

Швейцарияны шахарчыкъларындан бирине кирген жерде быллай жазыу  барды: «Жюйюсхан автотуристле! Машиналарыгъызны сакъ элтиригизни тилейбиз. Врач да, гуллаланы бериучю да отпускададыла!»

* * *

Бир мудах турист Щвейцарияны кёргенде аны ариулугъуна сейирсинирге унамайды да:

— Муну былай бир нек махтай болурла? — дейди къатында олтургъаннга, — тауларын, агъачларын, кёллерин кетерсенг, муну башха неси барды?

* * *

Турист Лондоннга байрамгъа келеди. Жауун бек къаты жауа болгъанды. Турист аны хапчюклерин ташыгъан адамгъа:

— Сизни акъылыгъызгъа кёре, кюн былай бузулгъанлай къачаннга дери барыр? — деп соргъанды.

— Билмейме, жюйюсхан. Мен мында жашагъанлы жангыз онбеш жыл болады, — дегенди ол адам.

* * *

— Хирургда болгъанмысыз? — деп сорады терапевт къулакълары ауругъан биреуленден.

— Болгъанма.

— Не айтханды да?

— Ауруй эселе, кесип атаргъа керекди, дегенди.

— Къарачы аны харамлыгъына! — деп, чамланады терапевт, — андан эсе мен санга дарман берейим да къулакъларынг кеслери алларына тюшюп кетерле.

* * *

Къытайлы чукчагъа келип былай айтады:

— Биз сизни бла уруш этерикбиз. Ол себепден ненча адам болгъаныгъызны айтыгъыз.

— Беш жюз адам болабыз. Сиз а?

— Бир миллиард, — дейди къытайлы ёхтемленнген халда.

— Аллах- аллах, биз сизни къайда бастырлыкъбыз да? – дейди чукча сагъышха къалып.

* * *

Эри бла къатыны айырылыргъа деп сюдге келедиле.

— Сен эринг унамай тургъанлай, айырылыргъа нек сюесе? — деп сорадыла сюдде тиширыугъа.

— Мен аны аллай акъылсыз сунмагъанма.

— Ётюрюк айтаса, бек уста биле эдинг! Санга жаным ауруйду деп сен манга ненча кере айтханса!