Алгъышлау

Къабарты-Малкъар Республиканы Башчысы К.В.Коковну Къурман байрам бла 
Алгъышлауу

Къабарты-Малкъарны муслийманларын сыйлы Къурман байрам бла жюрегимден къызыу алгъышлайма!

Ёмюрлени теренинден келген бу байрам  исламны тас болмазлыкъ хазналарыны – таза ниетли болууну, огъурлулукъгъа табыныуну, жан аурута билиуню, бир бирни ангылауну, бир бирге къайгъырыуну, билеклик этиуню – юслеринден эсгертгенлей турады.

Ол ышанла хар адамгъа да жууукъдула, къайсы динни тутханына да къарамай.

Бюгюнлюкде муслийман биригиуле республиканы жамауат жашаууна тири къатышадыла, социал, жандауурлукъ, тёрели дин-адеп-къылыкъ хазналаны сакълаугъа, ёсюп келген тёлюню огъурлулукъгъа юйретиуге бурулгъан билим бериу эмда жарыкъландырыу проектлени жашауда бардырадыла.   

Къабарты-Малкъар тюрлю-тюрлю халкъланы бла динлени келечилерини бирге келишиулюкде эмда огъурлу къарындаш къоншулукъда жашап келгенлери бла не заманда да айырмалы болгъанды. Ол бизни барыбызны да хазнабызды. Биз аны чексиз багъалайбыз, къаты сакъларгъа да борчлубуз. 

Жаланда бирликдеди бизни мамыр ишлерибизде жетишимлерибизни мурдору, Россейни ёсюп баргъан кючю да.

Бу байрам кюн республиканы жамауатына кийик саулукъ, монглукъ, ырахматлыкъ да тежейме!