Жерни чеклерин тохташдырыуда алты жорукъ

Сизни участкагъыз бар эсе, аны чеклерин жик-жиги бла белгилер ючюн ма бу жорукълагъа эс буругъуз.

1. Быллай ишлени кадастр инженерле этерге керекдиле. Ала энчи геодезия приборла бла участканы чеклерин ызлайдыла, аны ёлчемин тергейдиле, ызы бла межевой планны хазырлайдыла.
2. Быллай план электрон документча болады. Аны кесине да кадастр инженер кючлендирилген (электрон халда) къол салады.
3. Ишни ол подряд келишим бла бардырыргъа керекди. Анда уа ма бу затла болургъа тийишлидиле: этиллик заманы, багъасы, ишни кезиулери (ЕГРН-ден информацияны алыу, геодезия тергеуле эм башхалары).
4. Кадастр инженер энчи предприниматель болуп ишлерге да эркинди. Сюйсе уа,  бир компанияны келечиси кибик. Ол дагъыда ишни кеси тийишдирген организацияны санында болургъа борчлуду. Ансыз анга быллай ишле бла кюреширге эркинлик берилмейди, ол хазырлагъан документле уа жукъгъа жарарыкъ тюйюлдюле.
5. Межевой план хазыр болгъаны бла аны, участканы чеклерин тохташдырыуну юсюнден заявления бла бирге Росреестрге жиберирге керекди. Сюйсегиз,  МФЦ-гъа элтип неда Госуслуги порталгъа кирип. Бирде уа аны кадастр инженер да этерге боллукъду.
6. Къоншу участкаланы иелери къатышмай межевание этилмейди. Аны ючюн,  ала бла чеклени юсюнден сёлешип, бир оюмгъа келирге керексиз. Аны этмесегиз, артда ала сюдге барыргъа боллукъдула.