Устаны хурметине – республикалы эришиу

Талай кюнню ичинде Нальчикде «Каисса» шахмат арада Къабарты-Малкъарны физкультурасыны бла спортуну сыйлы къуллукъчусу Мажмудин Кармовну хурметине эришиу бардырылгъанды, анга эки жюзге жууукъ адам къатышхандыла. 

Эришиуню биринчи кесегинде оюнла жыл сан жаны бла чек салынмай ётдюрюлгендиле, анда алчы жерлеге Хетаг Богов, Беслан Мукожев, Текуланы Эмир чыкъгъандыла. Экинчи кесегинде уа 18 жыллары толмагъан шахматчыла чакъырылгъандыла. Анда эм ахшы Текуланы Эмир, Иттийланы Ибрагим, Марат Пшибиев, Бабаланы Натан, Бауаланы Наиля, Улбашланы Айсана бла Осман, Сотталаны Мурат, Токуйланы Валерий, Гелястанланы Дамир, Жаболаны Адам,

Черкесланы Кантемир, Абайланы Тамила, Джангуразланы Алий, Таумырзаланы Алий, Салима Дударова эм башхала ойнагъандыла. 

Аланы барысын да Мажмудин Тумкаевични юйюрю кубокла, майдалла эмда грамотала бла саугъалагъанды.