УФСБ: Чачдырыучу затла бла кюрешгенине ишеклик барды

Россейни ФСБ-сыны КъМР-де Управлениясыны къуллукъчулары, полициячыла бла бирге, излеу-тинтиу жумушла бардыргъан кезиуде Нальчикни инсанын чачдырыучу затланы законсуз сатыу-алыу бла кюрешгенине ишекликде тутхандыла. 
Кюч ведомствону пресс-службасындан бизге билдиргенлерича, РФ-ни СК-сыны республикада следствие управлениясы Россейни УК-сыны 222.1-чи статьясыны 1-чи кесегине бузукълукъ этилгени бла байламлы терслеу материалла ачханды. Быллай аманлыкъ этгенни эркинлиги, законлагъа тийишлиликде, 8 жылгъа дери сыйырылыргъа боллукъду.