УФСБ: Ууну ташыуну къураргъа кюрешгендиле

Наркотиклени законсуз сатыу-алыугъа къажау тинтиу-излеу жумушла толтургъан кезиуде Россейни ФСБ-сыны КъМР-де Управлениясыны къуллукъчулары республикагъа башха регионладан ууну ташыуну къураргъа кюрешген эки инсанны аманлыкъчы ишлерин тыйгъандыла. 

УФСБ-ны пресс-службасындан бизге билдиргенлерича, законсуз сатыу-алыудан 1169 грамм мефедрон уу сыйырылгъанды.

РФ-ни УК-сыны 30-чу статьясыны 3-чю кесегине, 228.1-чи статьясыны 5-чи кесегине бузукълукъла этилгенлери бла байламлы уголовный иш ачылгъанды. Законлада жазылгъаныча, быллай аманлыкъ этген жашаууну ахырына дери тутмакъда тутулургъа боллукъду.