Къазауатлада жаралы болгъанлагъа таплыкъгъа

РФ-ни Урунуу эмда социал къоруулау министерствосу аскер къазауатлада жарала алып сакъат болгъанлагъа къартлыкълары бла байламлы страховой пенсияны болжалдан алгъа тохташдырыуну юсюнден законодательствону болумларын кимле хайырланыргъа боллукъларыны юсюнден къошакъ халда ангылатыула этеди, деп билдиреди Россейни МВД-сыны «Нальчик» Управлениясыны праволу къаууму.  

Алайды да, Россейни Урунуу эмда социал къоруулау министерствосуну «Страховой пенсияланы юсюнден» 2013 жылны 28 декабринде чыгъарылгъан 400-ФЗ номерли Федерал законну 32-чи статьясыны 1-чи кесегини 3-чю пунктун хайырланыуну низамыны юсюнден Россейни Урунуу эмда социал къоруулау министерствосуну 2024 жылны 4 мартында чыгъарылгъан 91н номерли буйругъу бла (Россейни Минюстунда 2026 жылны 6 февралында 85273 номер бла эсепге алыннганды)  къабыл кёрюлген ангылатыугъа тюзетиуле кийириуню юсюнден» 2025 жылны 24 декабринде чыгъарылгъан 734н номерли буйругъуна тийишлиликде РФ-ни Урунуу эмда социал къоруулау министерствосу аскер къазауатлада жарала алып сакъат болгъанлагъа къартлыкълары бла байламлы страховой пенсияны болжалдан алгъа тохташдырыуну юсюнден законодательствону болумларын кимле хайырланыргъа боллукъларын къошакъ халда ангылатыула этеди.

Сёз «Страховой пенсияланы юсюнден» Законну аскер къазауатлада жарала алып сакъат болгъанла къартлыкълары бла байламлы пенсиягъа тохташдырылгъан болжалдан алгъа чыгъаргъа боллукълары кёргюзтюлген  болумларын хайырланыуну юсюнден барады. Алагъа кёре эр кишиле, 55 жылда, тиширыула 50 жылда пенсиягъа чыгъаргъа эркиндиле. Жаланда аланы стажлары 25 эмда 20 жылдан аз болмазгъа керекдиле.

Россейни Урунуу эмда социал къоруулау министерствосуну ангылатыуларына кийирилген къошакълагъа кёре уа, башында айтылгъан законодательствону болумларын ДНР-ни сауутланнган кючлерини, ЛНР-ни халкъ милициясыны къауумларында, ДНР-ни бла ЛНР-ни аскер бёлюмлеринде бла органларында 2014 жылны 11 майындан башлап аскер къазауатлагъа къатышханла, дагъыда  РФ-ни Сауутланнган Кючлерине Украинаны, ДНР-ни бла ЛНР-ни тийрелеринде энчи аскер операция бардырыу жаны бла салыннган борчланы толтурургъа себеплик этген организацияла бла 2022 жылны 24 февралындан башлап, Запорожье эмда Херсон областьланы тийрелеринде уа 2022 жылны 30 сентябринден башлап келишим этген (башха право халлары болгъан) инсанла да хайырланыргъа эркиндиле.