Электрон халда тёлеу къыйматлыды

Къабарты - Малкъарда жашагъанла  «Свет Онлайн»  мобил  приложенияны  тири  хайырланырча «Россети Северный Кавказ» - «Каббалкэнерго»  биригиу аслам эс бургъанлай турады. Саулай алып айтханда, сагъынылгъан тюзюнлей-сервис ишлегенли тёр жыл болады, ол кезиуде 226,2 миллион багъасына  181,4 тёлеу этилгенди. Быйылны юсюнден айтханда да, биринчи кварталда 27,7 миллион сом багъасына 18 минг тёлеу тамамланнганды. 

Бюгюнлюкде «Свет Онлайн» приложение кимге да тап болурча амалды. Аны себеплиги бла комиссиясыз тёлерге, эсеплеген приборда ненча санагъанын жиберирге, къайсы айда къаллай бир берилгенине квитанция бла шагъырейленирге болады. Быллай амал энергокюч компания бла абонентни арасында байламлыкъны бютюн бек кючлегенин да белгилерчады.

Сервисни GooglePlay - https://play.google.com/ эм AppStore - https://apps.apple.com/ сайтладан алып этерге онг барды. Токну багъасын компанияны https://gp-lc.rossetisk.ru/ сайтында «Энчи кабинетде», «Свет онлайн» приложенияда, адамланы жумушларына къарагъан аралада тёлерге жарайды.
 «Россети Северный Кавказ»-«Каббалкэнерго» биригиуню келечилери токну къаллай бир саналгъанын айны 23-26 кюнлеринден кеч къалмай жиберирге эм тёлеулени уа айны онбешине дери этерге кереклерин эсге саладыла.

Эки ай чакълы тёлемеген инсанны биригиу ток ыздан кесерча эркинлик бериледи. Андан сора да, кёп заманны тёлемей, борч этип тургъанла игилик бла ангыламасала, аланы закон бла жууапха тартырча онг барды. Аллай амаллагъа ишлерин сюдге бериу, токну хайырланалмазча чек салыу киреди. Уллу кёллюлюк этгеннге, борчундан тышында, тазир тёлерге да тюшерикди. 

Эсге сала айтсакъ, электрокюч бла жалчытхан "Россети"биригиуге бир тюрлю соруу болгъан "къызыу ызгъа" бу телефон номер бла хакъсыз сёлеширге боллукъду: 800-220-0-220 неда (къысха номерге 220).