Сабийни терк жукълатыуну сейир амалы

Алтайны заповеднигинде, чыпчыкъланы 15 такъыйкъаны ичинде жырлагъанларын жаздырып, аны садикледе сабийлеге тюшде жукълатыр амалныча хайырланнгандыла.

Алимле оюм этгеннге кёре, бу амал  сабий садха жюрюген, мектепге барыр заманлары жетген балаланы жукъларгъа хазырланнган, алай зыраф ётген такъыйкъаларын къысхартыргъа, теркирек жукълап, солуп къобаргъа себеплик этмей къоярыкъ тюйюлдю. Дагъыда бу амал бла сабий садны тамата къауумуну жукъларгъа къоратхан заманларын эки кереге къысхартыргъа боллукъду.

Ол жыр, не макъам тюйюлдю, табийгъатны энчи тауушуду. Аны себепли сабийлени, таматаланы да тынчайтады, хошлукъ береди.

Ол амалны сынар ючюн, бир сабий садда тинтиуле бардырылгъандыла. Анга юч къауумдан 53 сабий къатышхандыла. Эки ыйыкъны ичинде юйретиучюле сабийлени  жукълатыр ючюн къаллай бир заман къоратханларын белгилегендиле, ызы бла эки ыйыкъны ичинде чыпчыкъланы жырлагъан тауушларын эшитдирип жукълатханларына къарагъандыла. Эсеплеге кёре, 4-5-жыллыкъланы араларында жукъларгъа бёлюннген заманлары 46 такъыйкъадан 28-ге дери, мектепге хазырланыучу къауумда 6-7- жыллыкъланы араларында уа  23 такъыйкъадан 16-гъа дери азайгъанды.

Андан тышында да, психолог  айтханнга кёре, сабийлени асламысы аллай тауушда жукъласала, сабырланып, жарыкъ кёллю болуп, солуп уянадыла. Чыпчыкъланы жырлагъанлары сабийлени мыйыларын табийгъат тауушлагъа бёлейдиле, аланы тынгысызлыкъларын азайтадыла,  нерваларын шошайтадыла эм ала солуп, кюч-къарыу алып уянадыла.