Жоллада авариялагъа тюшгенлени жашауларын сакълайдыла

КъМР-ни Саулукъ сакълау министерствосу билдиргеннге кёре, республикалы клиника больницаны мычымай жетген медицина болушлукъ бёлюмю тёрт айны ичинде тамамлагъан иши сюзюлгенди. Жангы бёлюмню бийик жетишимлери баямдыла.

Бюгюнлюкде бизни республикада терк болушлукъ тапдыргъан медицинаны къуралыуу Россейде бек игилени бирине саналады. Жангы пункт Россейни Правительствосуну болушлугъу бла ишленнгенди.

Озгъан тёрт айда сегиз минг саусуз тынгылы медицина болушлукъ алгъандыла, аны хайырындан жолда аварияладан сора ёлгенлени саны да эки кереге азайгъанды. Андан сора, инсультладан сора жетишимли терапияла алтмыш эки процентге кёбейгендиле. Белгилисича, инсульт болгъандан сора биринчи сагъатлада этилген болушлукъ чексиз магъаналыды. Аны себепли, мычымай жетген медицина болушлукъ инсультла бла инфарктла ёсюп баргъан дунияда медицинада энчи жерни алады. 

Бусагъатда бу бёлюм бир суткагъа жюз бла элли пациент алады, медицина бригаданы сакълау а эки кереге азайгъанды. Энчи чертирге керекди: бёлюм жангы аппаратура бла толусунлай жалчытылгъанды. Томограф жалгъан интеллекти бла беш минутну ичинде адамны тинтеди. Компьютер томография кабинет операционный бла байламлыды, диагноз салыннганлай, операция этерге болады.

Он жери болгъан «сары зонада» адамны больницагъа элте турмай, толусунлай болумун тинтирча онгла къуралгъандыла. Алты жери болгъан «къызыл зонада» ИВЛ эм УЗИ аппаратла бардыла.

Тёрт айны ичинде жангы бёлюм сегиз минг саусузгъа къарагъанды. Жюз бла алтмыш алты операцияла этилгендиле.  Бу бёлюм сосудистый эм травматология бёлюмле бла байламлыды, биринден бирине ётерге онг барды. Аны хайырындан хар авариягъа тюшгеннге неда инсульт болгъаннга «алтын сагъатны» ичинде мычымай медицина болушлукъ этиледи.