Алам кёрмюч

Космонавтиканы кюнюне, аны бла бирге уа Юрий Гагарин аламгъа учханлы 65 жыл толгъанына аталып, КъМР-ни Жаш тёлюню кёп жумушланы тамамлагъаны арасында кёрмюч ачылгъан эди. Аны Россейни Банкыны бизни республикада бёлюмю къурагъанды. «Алам дайым муратды» деген ат бла бардырылгъан кёрмючде эсгериу халда чыгъарылгъан темир ахчаланы кёргюзтгендиле.

Алада алам бёлюмню эм магъаналы ишлери бла жетишимлери суратланадыла. Ол санда адамны анда биринчи атламлары, айтхылы аппаратла, бизни къыралда космос программаны ал сатырында тургъан белгили инсанланы сыфатлары да.

Быллай темир ахчаланы жарашдырыу амалла эмда художниклени аламат ишлери сейир къозгъарчадыла. Сёз ючюн, Гагарин космосха учханлы 60 жыл болгъанына жораланнган ахчаны юсюнде жулдузла лазер бла этилгендиле. Кёксюлдюм, ичи таза эмаль а алам къудуретге энчи теренлик береди. Анда, Жер башындан айтып-айтмазча аллай узакъда мингле бла жулдузла жылтырайдыла.

Банкдан билдиргенлерича, кёрмюч ол арада бир ыйыкъны ишлегенди, ызы бла Нальчикни халкъла аэропортуну тийресине кёчгенди. Анда уа ол бу айны ахырына дери барлыкъды. Быллай аламат ахчалагъа къараргъа сюе эсегиз - ашыгъыгъыз.