Жаш тёлюню айныууна жораланнган хайырлы жумушла

Озгъан солуу кюнледе «Эльбрус» пансионатда «Мен насийхатчыма» деген комплексли проектни ачылыуу болгъанды. Ол проект «Регион жаш адамлагъады» федерал программаны чеклеринде республиканы Башчысы Казбек Коковну тутхучлулугъу бла жашауда тири бардырылады.

  Бу проектни жашауда барыууна себеплик этерик насийхатчыла районну администрациясыны жаш тёлю политика жаны бла бёлюмюню таматасы Атмырзаланы Алиса, районну администрациясыны акъылбалыкъ болмагъанланы ишлери жаны бла комиссиясыны баш специалисти Жашууланы Жаннета, жаш тёлю араны таматасы Этезланы Аслан, Къулийланы Къайсын атлы Маданият юйню маданият ишле жаны бла бёлюмюню таматасы Ёденланы Танзиля районну жаш тёлюсюню айныууна сакъ кёзден къарайдыла.

Проектни къууанчлы халда ачылыууна бла право сакълау жаны бла кенгешге сыйлы къонакъла да къатышхандыла.

РФ-ни Ич ишле министерствосуну Элбрус районда бёлюмюню акъылбалыкъ болмагъанланы ишлери жаны бла бёлюмню таматасы полицияны подполковниги Ляна Камбачокова бла Россейни Ич ишле министерствосуну Элбрус районда полицияны участковыйлерини таматасы Байкъазыланы Альберт, жаш тёлюню, низамны бузмай, закон бла келишимде жашау этерге юйретиу ызны дайым бардыргъанларын эмда районда ол жаны бла къуралгъан жумушланы магъаналылыкъларыны юсюнден сёлешгендиле.

Жыйылгъанла сау жылны ичинде салыннган борчланы толтуруу жаны бла уллу программалары болгъанын, аны жашауда тийишли бардырыргъа хазырлыкъларын да билдиргендиле.