Жамауат жерлени тапландырыугъа - аслам эс

Къабарты-Малкъарда "Иги шахар болум къурау" федерал проектге кёре жыл сайын иги кесек жер жангыртылады. Ол санда былтыр да эки жыйырма чакълы жамауат жер ишленнгенди неда игилендирилгенди, деп билдиргендиле КъМР-ни Къурулуш эм жашау журт-коммунал мюлк министерствосундан.

Сёз ючюн, Черек районну Къашхатау, Герпегеж, Жемтала эм Огъары Жемтала эллерине кирген жерледе орнатылгъан стелаланы бир къауумун жангыртхандыла, башхалада уа эллени атлары жазылгъан омакъ тюрсюнлюлени жарашдырып салгъандыла. Бабугентде да къырал эм муниципал  жумушланы тамамлагъан кёп функциялы араны (МФЦ) аллында майдан айбат эм къоркъуусуз болгъанды.

Анга асфальт жайгъандыла,  кече жарытырча чыракълы чыпынла, шинтикле, кир-кипчик атарча орунла салгъандыла эм тёгереги бла бийик эм омакъ темир буруу тартылгъанды.   

Сагъынылгъан ишлени хайырындан,элни ара орамында орналгъан социал магъаналы объект  кёз къууанырча  айбат эм жашха, къартха да  къоркъуусуз болгъанды.