Жууапха тартылгъанды, алай дерс алмагъанды

Быйылны озгъан тёрт  айында  республикада жашагъан  33-жыллыкъ инсан къырал автоинспекторланы къолларына юч кере тюшгенди.

Биринчи кере аны Черек районда тыйгъандыла. Полициячыла «Порше» машинаны тохтатханларында, аны водители  кеф болуп жолгъа чыкъгъаны ючюн жууапха бир ненча кере тартылгъаны ачыкъланады.

Бу жол да ол медицина тинтиуледен ётерге угъай демейди. Алкотестер аны эсиргенин кёргюзтмейди, алай андан ары бардырылгъан тинтиуле ол наркотикледен кеф болгъанын ачыкълайдыла. Алай бла  полициячыла аны машинасын энчи стоянкагъа жетдиредиле, кесине уа автомобильни  жюрютюрге эркинлигине чекле саладыла.

Черек районда ОМВД-ны полициячылары РФ-ни УК-сыны 264.3-чю статьясыны 2-чи кесегине, 264-чю статьясыны 1-чи кесегине бузукълукъла этилгенлери бла байламлы терслеу материалла ачхандыла. Ала сюдню къараууна берилгендиле.

Болсада эр кишиге ол дерс болмагъанды: машинаны жюрютюрге эркинлиги сыйырылгъанына да къарамай, биягъы жолгъа чыкъгъанды. Аны автоинспекторла  Нальчикде тохтатхандыла. Энтта бир айдан а аны КъМР-де МВД-ны жол-патруль службасыны энчи батальонуну полициячылары тыйгъандыла. Эр киши биягъы кеф эди.

Бу эки шарт бла байламлы уголовный ишле ачылгъандыла. Ол РФ-ни УК-сыны 264.3-чю статьясыны 2-чи кесегине эмда 264.1-чи статьясыны 2-чи кесегине бузукълукъла этгени ючюн жууап тутарыкъды. Башхача айтханда, башы бир ненча кере сюдлюк болгъанына да къарамай, правалары болмай эмда биягъы эсирип жолгъа чыкъгъаны ючюн жазагъа тартылгъанды.