Къабарты-Малкъар Республиканы Башчысы К.В. Коковну Пасха байрам бла алгъышлауу

Къабарты-Малкъарны  православный христианларын Пасха байрам бла жюрегимден къызыу алгъышлайма!
Бу байрам адамланы жюреклерин къууанчдан толтурады, жашау кюч береди, огъурлу сезимле туудурады, игиликге, тюзлюкге, жандауурлукъгъа, сюймекликге ийнаныуну кючлейди.
Бюгюн Орус Православный Килисаны  бизни кёп миллетли Россейни халкъыны тёрели адеп-къылыкъ хазналарын сакълаугъа, юйюрню даражасын кётюрюуге,  ёсюп келген тёлюню патриот ниетде юйретиуге, миллетлени бла динлени араларында келишиулюкге, социал эмда жарыкъландырыу проектлени бардырыугъа къошумчулугъу бек магъаналы болгъанын бютюн бек белгилерге сюеме.
Аны ма аллай иши шёндюгю сынаулагъа бла къыйынлыкълагъа къажау турургъа, къыралыбызны халкъларыны бузулмазлыкъ бирлигин жалчытыргъа да себеплик этеди.
Къабарты-Малкъарда жашагъанланы барысына да муратлары толурларын, жангы жетишимлеге жетерлерин тежейме!
Юйлеригиз жылыудан, ырахатлыкъдан, насыпдан да толсунла!